الاغنيه :هلا بالطيب الغالي

كلمات : عبداللطيف البناي ..... الحان: محمد شفيق

هـلا بـالطَّيب الغـالي .. عزيز وشوفتك مِـنـوه
ترى ماجا على بالي .. بشوف عيونك الحِلوه

هـلا يـامـطوَّل الـغيبه .. من قليـبي أهـلَّي به
يطير الـطير بـالـعالي .. ومـردَّ الـقدره تجيبـه

رقـص مِن شوفتك قـلبي .. بصدفه ساقها ربَّي
بـلا مـيـعـاد يـاحُـبَّي .. تِـلاقى دربك ودربـي

ومـن شِـفتك تـناظرني .. تـغيَّر كـلِّ مـافـيني
لاعـاد أكثر تحيَّرني .. تـرى مـافيني يـكفيني

صغيَّر خـلَّـه يـتـدلَّل .. أحـبَّـه ولازم أتـحمَّل
يـقول أنه بيخاصمني .. وينوي القول ومايفعل

ولا يخفى عليك خـافي .. أحبَّك ياذهب صافي
ولو تأمر على روحي .. ترى بحقك ماهو كافي