الاغنيه :  همس المشاعر

كلمات :  محمد البراهيم .......... الحان: محمد عبده

همس المشاعر في بيوت الشعر جاك
يومك يابو فيصل للشعب وحبيبه
تبدع قوافينا لمثلك وشرواك
انت اللي ظلل على الشعب طيبه

يانصرة المظلوم بالخوف ينصاك
الحق لاهل الحق دايم تجيبه
ماشربوا العياف من الهيبع عداك
وان طلبها ماتضيع الطليبه

نبت الخزامي والنفل تحت ماطاك
ولو وطيت الارض تصبح عشيبه
عاشت شعوب من فضايل عطاياك
وعمت بعيد المسلمين وقريبه

مكارم الاخلاق كالبس يزهاك
ثوب التوضاع كاسي جسم هيبه
والطاعه اللي بينه في محياك
بعطف ولطف مع سماحه وطيبه

يابو اليتامى ياعسى الرب ياقاك
في ظلك المحروم يكبر نصيبه
الشعب كله يبتهج لين رئياك
تحيطهم بالحب ماتهي غريبه

جاني اتصالك ياعسى الروح تفداك
نويت قلبي ماعرف له طبيبه
من الهم خفقاته تزايد بلياك
وسمعت كلماتك لنفسي قريبه

ولا طاب قلبي من غير وصفك ودواك
لمست حنانك للقلوب الصويبه
ابو حنون والعطف من مزاياك
صوتك يداوي القلب مما يصيبه

عزالله انك غالي من عرفناك
يحفظك ربي في حظور وغيبه
ياسيدي قلت القصيد لعيناك
ولو ان وصفك عاجز عن اجيبه

وغاية منى خادمك ياسيدي رضاك
والحر ماينطال بااعالي الرتيبه
مير الله ياسيد الجود يرعاك
ياعاهل الشعب السعودي وحبيبه