الاغنيه : جمرة غضى

كلمات : بدر بن عبدالمحسن ..... الحان: محمد عبده

جمرة غضى أضمَّها بكفَّي .. أضمَّها حيل
أبي الدفا لو تحترق كفَّي .. وأبي سفر للَّيل
بردان أنا تكفى .. ابحترق بدفا
لعيونك التِّحنان .. في عيونك المنفى
جيتك من الإعصار .. جفن المطر والنَّار

والله الجفا برد .. وقلِّ الوفا برد
والموعد المهجور .. ماينبت الورد
ياحبَّي المغرور .. يالَّلي دِفاك شعور
ردَّ القمر للنَّور .. وباقي العُمر في وعد

يا أول الحُب .. شفتك أنا مرَّه
و يا أعذب الحُب .. عشتك أنا مرَّه
وأهديت لك قلب .. وردَّيت لي جمره
ومن يومها كان الرَّحيل ..
وليل الشِّتاء القاسي الطَّويل ..وآه يا الحنين
للَّيل باب له حارسين .. برد وسحاب