الاغنيه : للدار وحشه

كلمات : خالد الفيصل ........ الحان:محمد عبده

للدَّار وحشه عقب سيِّد هل الجـود
وعيني غشاها عقب شمسه ظـلالِ

ما ألوم رجلك لو شِكت كايد الكود
أتعبتهـا ترقـى سنـود المعـالـي

للجسم حد وغايتك مالهـا حـدود
ظلمت نفسك مـن قديـمٍ وتالـي

تمشي وعرها كنَّه سهـود ومهـود
لله درَّك ماتغـالـيـت غـالــي

ماتنتظر للجـود ياشيـخ مـردود
تشرب مرار وتسقي الغيـر حالـي

ماينثني عزمك خطيرٍ علـى الـزَّود
من عاليٍ تجمـح علـى راس عالـي

ياطيَّبٍ طابت لك البيض والسَّـود
أسرت في حبَّك قلـوب الرِّجـالِ

يفوح مع ذكرك شذا الورد والعـود
وكلٍ ينعِّم بـك إلـى جـا مجـالِ

مرضك يمرضني وسعدك لي سعـود
ياليتي أنقل عنـك ضيـم الَّليالـي