الاغنيه :  ياعين هلي

كلمات :  عبدالله الفيصل .......... الحان: محمد عبده

ياعين هلِّي وأستهلِّـي وهاتـي
هاتي غزير الدَّمـع لاتذخرينـه

خلِّيني أنعي في حياتـي حياتـي
دفنتهـا مـع غالـيٍ دافنينـه

قلبٍ من الَّلي شاف ياعين ماتِ
قلـب تعرفينـه ولاتجهليـنـه

كم ليلةٍ حرَّم عليـك المبـاتِ
يسهِرك ويساهِرك وتساهِرينـه

وقتٍ مضى ليته يرايـع وياتـي
إن قيل شينٍ قلت يازين شينـه

يوم إن لي شفٍ بدلـع البنـاتِ
هـذاك مدنينـه وذا مبعدينـه

واليوم ذي طالت وذي قاصراتِ
ماشفت زولٍ أستخصَّه ظنينـه

لى قلت ذا مزيون هـذا مناتـي
وين البريَّـه كلهـم عارفينـه

أستبشري بالنَّوم في المقبـلاتِ
وشلون أبسهر عقب ماصار طينه