الاغنيه : يامركب الهند

كلمات : بدر بن عبدالمحسن ....... الحان: محمد عبده

يامركبَ الهند .. يابو دقلين
ياليتني كنت ربَّانك
وأكتب على دفِّتك شطرين
إسمُه حبيبي وعنوانك

طال إنتظاري وقلبي جريح
يامركب الشَّوق ليت الرَّيح
وقت السحاري .. تملأ السواري
وأبحر بشوقي لنور العين
وأرجع لخلِّي لأوطانه

يابحر موجك علَّي عالي
وطيفه حبيبي على بالي
والبُعد قاسي .. وحبيبي ناسي
والله .. ياربعي .. وأهلي .. وناسي
مشتاق قلبي لخلاَّنه

يامركب الوهم عمري ضاع
مابين أمل في لُقا ووداع
وبحر الأماني .. ماله مواني
ضيَّع زمانك .. وضيَّع زماني
وضاع المركب .. بربَّانه