الاغنيه :  نجمة الليله

كلمات : سعود الحرابي .....  الحان: فيصل الراشد

الفي الصلاة والسلام على النبي
ياالحاضرين صلوا عليه ياالحاضرين
نجمة الليلة حلاها اليوم غير
نجمة الليلة ضوى منها المكان
هذي نور اللي بها حسن ٍ يثير

شيخة بالزين وشيخة هالزمان
يكفي ان الورد لامرت يغير
يرتجي من نور لو لمسة حنان
قولوا بسم الله *** على نور ماشاء الله

لاحكت أنفاسها عطر وعبير
والنواظر زينها واضح يبان
حسنها الفتان ماله اي نظير
ذوق مع رقة عذوبة واتزان
كل شيء في نور كامل للأخير
وصفها ماقد حصل يوم و كان
قولوا بسم الله *** على نور ماشاء الله

اختارها سلطان أبو قلب كبير
نور صارت دنيته ومعنى الأمان
مهرة والسن ترى توه صغير
صانها سلطان في قلبه والعيان
وفي الكرم سلطان مذكور بخير
شيخ ولد شيوخ لهم قدر وشان
قولوا بسم الله *** على نور ماشاء الله

في مساء الدوحة يغني كل طير
بالغلا والحب ليل الشوق زان
ياعسى درب لهم ورد وحرير
والسعادة نورها يملأ المكان
وفي فرحهم ندعي الرب البصير
يسعد القلبين على مر الزمان
قولوا بسم الله *** على نور ماشاء الله