الاغنيه :ذرى العوجا

كلمات : سعود بن عبدالله ........ الحان:محمد شفيق

سالم(ن) يا نورنا اللي نشق به الظلام
يا ذرى العوجا ويا سورنا الدرع المتين
الوطن والشعب والدين والبيت الحرام
ترفع كفوف الغلا بالدعاء في كل حين
تدعي الله يحفظك يا الإمام ابن الإمام
يا إمام الشعب هذا وكل المسلمين
يا ملكنا يا فهدنا من تضيم ولا تضام
أنت سيف(ن) فلّ وافد يبيد الظالمين
انت في صدر الوطن يا بعد راسي وسام
أنت في هالشعب يا سيدي قلب(ن) وعين
أنت علمت العرب كيف تصديق الأحلام
وكل حلم(ن) في خيالك تجسده اليمين
للبلاد المؤمنة تنثر أسراب الحمام
تنصر المحتاج وترد كيد المعتدين
كم بلاد(ن) من جفا الحرب لفحته سلام
وكم تعين والله يعينك وهو خير العوين
العظائم ما تطاوع مع غير العظام
وأنت لا صعب(ن) تجيب السنع في لحظتين
كلما كبرت على القوم قودت الزمام
جبت رأي(ن) ما اختلف فيه من بعدك اثنين
سيدي لو نكتب الشعر فيك ألفين عام
أو نجيب الشعر كله نصير مقصرين
الكلام أكثر من الرمل ويجف الكلام
لا بغينا نكتبه فيك عود كالبيتين
سالم(ن) يا نورنا اللي نشق به الظلام