الاغنيه : فز الخفوق

كلمات : خالد الفيصل ....... الحان: محمد عبده

فزّ الخفوق وقلت يالله عسى خير
أثر الليالي عاد غايب قمرها

مع شوفته نشوه و فزّه و تخدير
و عيون خلاّن(ن) تعانق نظرها

يتوقّ له قلبي كما نزّعة الطير
و الرجل كن اللي تحتها غدرها

يا صبح عمري يا صباح التباشير
نوره ملا قلبي و روحي غمرها

عقب الفراق اللي تعدّى المحاذير
يبّس غصون القلب جافي دهرها

ربّع بـروحي عقب ماهي معاسير
سحابة(ن) هلّت بقلبي مطرها

و اسقَى بها زرعة هوانا بتقدير
غرسة غرام(ن) بالمحبه غمرها

يا عاذلين العين والله مخاسير
و اللي درَى عن حال عيني عذرها