الاغنيه :  وجه السعد

كلمات :  فــــــــزاع .........  الحان:  ...................

تعال ياوجه السعد واشطب على وجه البغيض
ياحيك وطلتك في وجهي بعد ياحيـــــها

تنعشني انعاش الشفاء..العاجل.. القلب.. المريض
ياايـها تدري يالبـــــيك انت وش ياأيها ..؟

ماانتـه بزي الـناس واكتبها لك بخط عريض
تبغيـني احلف لا ورب الـــبيت منت بزيها

ياللـي غرامك في خفوقي من كثر قدره يفيض
النفـس تندب حظها والعــــين تبكي حيها

من عوضك اليا فقدك وان وجد كيف استـعيض
وانت النــهار وشمسه وشجرة غلاي وفيها

هاجرت واصبح زولك في عيني يهاجرني واميض
يااول جروحي دخـــــــيل الله من تاليها

احيا على وصلك واموت في كل برد وكل قيض
تضمى مشـاعر خافقي لك وانت سبة ريها

لبيك يلي من عشقتك قمت احس اني حضيض
يامغوين نفسي .. ونفــسي ذايبه من غيها

انا اعرف ان كل الليالي سـود والايام بيض
دامك معي ماهمني في كثرها وشويها