الاغنيه : لا تسرق الوقت

كلمات : بدر بن عبدالمحسن ...... الحان: محمد شفيق

لا تِسرق الوقت مِن غيري .. أنا مابي زِمن غيري
لا تِسرق العمر يا طيري .. مدام قلبك لأحد غيري
عطني من أيَّامك نهار .. و باقي العمر لِّلي تبي
ما به فرح يا معذِّبي .. و إنتَ لأحد غيري
ناظِر وعدنا طاف .. في الِّلي درى و مِن شاف
يا قلبك الخوَّاف

يا صاحبي الخوف .. ما يطمِّن الخوف
لا تِلمس الجوف .. و إنتَ يدينك بارِده
و الفرقى دايم وارِده .. إنتَ و أنا بنفس الطَّريق
بس الخُطى مِتباعده

لا تِسرق الوقت .. يا أجمل الوقت ..
تِكذب عليَّ .. و أكذب عليك
و القى الدِّفا .. برعشة يديك
نِقضي العُمر كل العُمر .. نِحلم بلحظه شارِده