الاغنيه :  هلابك هي هلا اللي قالها الصايم

كلمات :  ....................... الحان: ................................

هلا بك .. هي هلا اللّي قالها الصايم ليوم العيد
هلا بك .. هي هلا اللّي قالها للغيث هالوادي
هلا بك .. هي هلا اللّي قالها يعقوب بالتنهيد
ليوسف يوم عاد..و عاد شوفه.. و أنكف الغادي

حسدت الشعر .. يوم إنه طليق لك .. و أنا في قيد
وجبته يوم جاك .. و شفت فيه مراة حسادي
مهوب إنت المريض .. إنت الشفا .. يا قريّبٍ و بعيد
وانا أقول المريض اللي .. فقد طلّتك فبلادي

سلمت إنت .. و سلمنا من سلاماتك عن التنكيد
أهنّيك .. أو أهنّي الناس .. أو نفسي و أنا البادي
يابو كل اليتامى و الضعوف و معسر ومريد
غديت الشمس وقلوب الخلايق زهر عبّادي

هذاك إنت الضليل الضافي الوافي مناة الغيد
هذاك إنت الكبير المنور المنثور بالكاذي
هذاك إنت الأصيل الماجد الناجد سليل الصيد
هذاك إنت الرفيع المشرق البراق والهادي

تصاغرت الهلا .. من كبر قدرك .. و اعذر الترديد
لأنك شامخ مثل الجبل .. له بالصدى حادي
هلا بك .. و القدر بالصدر .. لا عجز القصيد يصيد
قصيدٍ لا درى إنّه فيك .. سمى شارده عادي