الاغنيه : نواصي الخير ( اوبريت )

كلمات :   فيصل بن خالد بن سلطان  ........... الحان: سهم

من عهد وقت الصحابه لين عهد المملكة
وانتي يا الخيل الأصايل كنتي رمز المعركة

اسألوا التاريخ عنها ايش سوت بالحروب
عزة الفرسان منها وافتحت كل الدروب

من قديم الزمن يا الخيل وانتي عز
والقلوب اللي تشوفك من غلاك تفز
في نواصيك انعقد يا الخيل كل الخير
من مهابة خطوتك والأرض بك تهتز

بشر عسى عندكم خيل
ابشرك زود ببلادي
هي والنخل والكرم والهيل
ما نتركه والله البادي
هذي لها عندنا تبجيل
مثله مثل كل الأجوادي

معها وبها جميع شي تمنى
منها ولها مجد قديم كساها
بعيدها اقرب من مولع لما
وقريبها أبعد من عيون المدها
الخيل كنز المجد والعز والجاه
بوجودها سموها من غلاها

ولا انتخوا في بن فيصل قمت اتباها
وطعونها طابت من ورود تلاها
كبر ورددنا معه الله وأكبر
وصهيل صوت الجزيرة مداها

أنا اللي قادها شيخنا ما تذكروني
أنا اللي شافت فتح نجد بعيوني
أنا اللي لا عزم بها اسمي عبيه
ما اخلفت له أمر ولا قلت مزوني

عزيت يا بو تركي بها يوم نصرك
الله يعطر روحك و روض قبرك
عزيتني وعيالك بعدك وصالي
واليوم مع خالد أنا حالي يسرك

أعشق الصحرا وليلي يعشقك
بس عشقي مختلف معك انتي
من يلوم اللي بقلبه منزلك
في عيوني يا هواي حيل زنتي
شكلك سبحانه اللي شكلك
لو يخونك فارسك ما يوم خنتي
كرمك بالزين ربي كرمك
مهرتي وأهيم بك من يوم كنتي
وش يجي كل الجمال بطلتك
الله يعين القلوب اللي سكنتي
من صغر وأنا احبك وأحفظك
ما حدن هانك ولا يوم هنتي

من النيفه للصويتيه
يا كلام المدح وش باقي
وهذي كحيلة والصقلاويه
بالقلوب تزيد الاشواقي
مستهيم الوصف بعبيه
مستديم بحمد خلاقي
هي تروح ولكن بجيه
كل ما غارت وخفاقي
دخونه طيب النيه
صبح عيد وزاده اشراقي
من طلع وأمالنا حيه
شيخنا لو هو رحل

قالوا ان الخيل من خيالها
ونسلها طبعا نسل عيالها
ما حدن يعزفها بالساهل أكيد
وانت يا خالد ترى خيالها

انت حب للكبير وللصغير
ونجد تشهد لك وتشهد لك عسير
موطنك اللي انتي عشتي به
كثير الخالدية مجمع لرجالها

للخيل عبدالله وللخيل سلطان
نايف لها لا صار شي علينا
الكل منها للفعايل كحيلان
من فعلهم يم الكواكب رقينا
قاد الوطن مليكنا سيف واحسان
واستبشرت سمو الأمجاد فينا
ولي عهده غيث عز وهتان
وبعذرنا لو بالثنين اقتدينا

خالد سليل المجد يقول فرسان
وأقرب مثل جنوبنا اللي حمينا
ورجالنا اللي بالوغى حيل شجعان
بأطهر تراب الكون حنا سمينا

صقور الجزيرة شانهم بالفعل شان
عيد لمن ينخى وللي يجينا
ومنهو نوى في غدرنا صار بلشان
يقول ربي توبة لا تبتلينا
يا دارنا نرخص لك أفعال وابدان
نفديك يا ثالث غلا والدينا
الله يديم أمنه وأمانه والايمان
على وطن بالعز فيه انتمينا