الاغنيه :  سيرة بطل ( دار ياللي )

كلمات :  بدر بن عبدالمحسن ...... الحان: محمد شفيق

دار يا اللي بحكم الله معموره
ثم باللي سعولك تحت واليهم
مر ركب الزمان وللزمن دوره
وذكرتهم ليالي اليوم ماضيهم
يوم فتح الرياض ونصر اخو نوره
ويوم وردت على المصمك هناديهم

ناض برق السيوف وشاقني نوره
وهيضوني هل العوجا بعزاويهم
ردد طويق صوتٍ عانق صخوره
وسال بمردونات العز واديهم

عل يمنا تهاب السيف مكسوره
وعل نفسٍ جفاها العز تفديهم
دارنا من قديم الوقت منصوره
وربعنا ما نسوا يومٍ مباديهم

اضربي كفوفك وسلي سيوفك
وغطي كتوفك بلادي بالعلم
جاوبي الشيله وعرضي الليله
وافرحي لين تحسدنا الامم

طاهره رمالك وعاليه جبالك
وانعم برجالك قناديل الظلم
جاوبي الشيله وعرضي الليله
وافرحي لين تحسدنا الامم

انتي الاول وانتي الاجمل
وانتي بك مهد الرساله والحرم
جاوبي الشيله وعرضي الليله
وافرحي لين تحسدنا الامم