الاغنيه :  ولي العهد ( عسير )

كلمات :  ........................... الحان: ........................

وإن ضاقت الدنيا تذكرت سلطان
لاواهني من كان سلطان عمه

حرٍ قنص به فرخ .. صقر الجزيره
وأخوه فيصل قدمه بالمسيره
له خبرٍ في كل دربٍ غزيره
حلال صعبات الامور المهمه

مايقبل الهزله ولا يقبل الهون
ممشاه عجلٍ للمعالي وبالهون
له نظرةٍ بالقلب و العقل وعيون
لاتقصر الشوفه ولاهي تزمه

هو شمسها لا غاب نور الكواكب
وذعارها لى صاح بالخيل راكب
وهو جودها لا شح بالغيم ساكب
خيرة على الادنى والاقصى يعمه

له فوق خمسين السنه ماترجل
سرجه على صهوة أصيل محجل
واسمه على لوح الشهامه مسجل
إن قال يفعل و إن تعهد يتمه

معروف بعزوم الرجال القويه
ومعروف بالكف العطوف النديه
والى بغوا شجاع راي و حميه
تلفت روس المخاليق يمه

اتغزل في الوطن بالحالي
في الجبل والتل والودياني
والسواحل والفيافي
بيننا حب عفيف عذري
يمتطي صدره وهو في صدري
شامخ ويدين عليه

يرحم الله الزعيم الباني
الله اكبر كم بذل واعطاني
ذلك السيف السنافي
وحد اقطاب الوطن من بدري
الزمن يجري وعزمه يجري
الين حقق مايريده

للملك الحب والعرفاني
والوفاء في طبعنا وجداني
والملك والشعب وافي
الولى ثم الولى في شعري
الولى في فكرتي في حبري
في القريبه والبعيده

كل من مريت به وصاني
قال لو غنيت لا تنساني
واذكر اسمي في القوافي
ياولي العهد هذا عذري
كل من في ذا الوطن لو تدري
صان من شانك قصيده

يامرحبا ياعزوة المحتاج والزري
الغصن يرقص لك على نغمة بلابله
متى زرعنا الارض ياسلطان عالسري
والفال فالك يجي معزنا احسن سنابله
ياسيدي سلطان فيكم نضرب المثل
لله در اللي تقيم المجد قامته
ولن تغيرك المناصب والجبل جبل
يحبس سفوح ولا تهز الريح هامته

يالله تحفظ بلادي من كل شر وعادي
واحفظ ملكنا ودله لي موطن لو ينادي
له زندنا والزنادي وصفوفنا مورد له

وقفت وانا سعودي افخر بماظي جدودي
والبس من الدين حله واقسمت ماانقض عهودي
ولا التفت للحسودي من يفتل الحبل حله

بدو ونحب الحضاره واللي بنى له عماره
ماينسى خيله وبله نعطي وطنا العصاره
كل يرى الدار داره والرمل بالتمي بالله

حنا عشقنا الفيافي واللي سرى الليل حافي
مايقبل الضيم لله متى دعينا نوافي
نورد على النبع صافي ونكرر الحمد لله

يالله احفظ ولي العهد جزل العطايا عالي الهمه
في غيابك حظور وفي حظورك قناعه
وفي خطابك قرار وفي حديثك وصايا توصل القمه
في ردودك شموخ وفي سكوتك مناعه

وفي جبينك وقار وفي عيونك مرايا تحتوي الامه
وفي مسيرك نصير وفي وقوفك شجاعه
والابتسامك مغزى وانت كلك مزايا ياسمي اسما
وفي تواضعك فرق وفي عزومك جماعه

الله في سلطان نعم السجايا ياوطن سماه
كوكب الجود كل يستضي من شعاعه
ولو ينادي جلبنا خيلنا والمطايا همنا همه
والقلوب تدق سمعا وطاعه

ان كان مادونت شعري بسلطان
ياعلني مااقول بيت ولا حرف
رمز الشجاعه والشهامه والاحسان
مزن المراجل كل مانبعها جف
**********
له ماقف مايقفه كائن كان
الا الذي جفنه عن المجد مارف
ياقف ويضحك للشدايد بلى هان
وان نخوت له عن مطاريدها عف
**********
عمي افاخر به ولاني بغلطان
عمي يشرف من له بمجدنا شف
عمي عقيد القوم والقوم فرسان
الواحد يوازي من امثالهم الف
**********
عمي سديد الرأي في كل ميدان
سديل راس كل ماعاقل خف
سلطان مامثله في ذا الوقت سلطان
يسودها بالرأس والقلب والكف