الاغنيه :  ضحك سلطان

كلمات :  فيصل بن سلطان بن محمد   الحان: خالد عبدالكريم

إلى مِنه ضحك سلطان خذاني للشِعر نِسناس
سِقى الله روضة أحبابٍ غشاها سيل غيماتك
أبرسم حارة ألواني حدودك مالها مقياس
سألتك كيف في لوحة ؟!!
أبرسم كِل لوحاتك !!

وأبكتب يا شِفا صبرٍ تعب من عتمة الأدماس
وشفتك نور في ليلٍ شِكا من صبح خطواتك
مشاريفك مكان الطيب يجيها الحُر والقِرناس
وشرّفت الكرم بإسمك وعطيته بعض ميزاتك
ولا في وصف أبوالطيب ولا في شِعر أبو نواس
كلام يوفيّ أخلاقك ويوصّف لي حسن ذاتك
بساطة في موازينك بِلا أسوار أو حراس
تصُب الطيب في إسلوبك تطرزها إبتساماتك
عجيبٍ سِر هالنظرة مُهيبة وكِلها إحساس
عجيبٍ سِر هالبسمة تباري طِيب نظراتك
ترى عفويتك أكبر وأكبر من كلام الناس
تكلم يابليغ القول ونورنا بعباراتك
إلى مِنه ضحك سلطان خذاني للشِعر نِسناس
سِقى الله روضة أحبابٍ غشاها سيل غيماتك
أبرسم حارة ألواني حدودك مالها مقياس
سألتك كيف في لوحة ؟!!
أبرسم كِل لوحاتك !!